Mutlashi

اختر جامې د عبدالباري جهاني کلام ښاغلي جهاني وايي د شعر په ساده او اسانه ژبه ولس ته پیغام رسول غواړي راته جوړي د اختر جامې که موري! چي د کلي مي همزولي راته ګوري چي ورځمه د خپلوانو تر کورونو د اختر مبارکۍ را باندي اوري را تیاره د اختر سپینه لونګۍ که راته جوړي مي ښایستې توري څپلۍ که د واړي سترګي د خورکۍ به مي کړې توري سره لاسونه سرې پاپۍ او سترګي بوري چي هګۍ در څخه هیري نه سي موري د بیرغ په رنګ وي سرې زرغوني توري کال نه بل کال ته که خدای کول لوییږم د ابا سره په قد کي مي سمیږم ته به جګه غاړه ګرځې چي زه ځوان سم په ټولۍ کي د همزولو چي روان سم در یادیږم به شیدې چي مي رودلې اوږدې شپې چي به دي ماته سپینولې زویه! اوس خو دي راغلې یم تر ګوره ظالمانو کړم هم بوره هم سرتوره پلار دي مړ سو د ځان مرګو په حمله کي د کاکا زوی دي ویشتلی په سینه کي د کاکا کونډه دي بل قبر ته ژاړي بوري وراري دي قبرونو ته ولاړي نه اختر سته نه یې نوم نه خوشالي سته نه دي خور نه دي ماشوم ورور ته کالي سته چي ټوټې ستا د وجود مي ټولولې تر زخمي زړګي مي ویني څڅیدلې ستا ...

وطنه تا به جوړ كړم! وطنه تا به جوړ كړم! پخپلو ارمانونو به دا سوى زړګى سوړ كړم وطنه! تابه جوړ كړم، وطنه! تا به جوړ كړم زما ښايسته وطنه! والله ښه به دې سينګار كړم دا تورې، سپېرې، دښتې به دې ښې ګل او ګلزار كړم ښايسته ښكلي ځوانان به دې را پورته په تلوار كړم دا وږي يتيمان به دې هر يو په نعمت موړ كړم وړانده، كاڼه بچي به دې بينا په زېر بينا كړم بيرغ به دې را پورته په چكچكو په هها كړم زموږ ملي ناموس يې ټول به تا ځنې فدا كړم قربان به دې خدمت كې نر او ښځه، ځوان او زوړ كړم د علم لمر ختلى معلومداره ښكاره لار ده تيارو د ناپوهي نه يو وتلي او س سهار ده منزل وهو روان يو خپل هدف ته مو تلوار ده قسم ده چې بدخواه به دې په ډېر ارمان كې سوړ كړم ستا ناوې به سينګار شي لورتر لور به خوشحالي شي حيرانه! بيا به هلته ټول جهان سره سيالي شي ازبك او هزاره، پښتون به كلكه ورورولي شي هر خوا به كور په كور در ځنې ورك ملي اروړ كړم د ښکلي انځورګر حمدالله ارباب د فيسبوک واله سه په منننه

نه له اقراره چېرته ځي, نه له انکاره وځي  ستا په اوږدو, اوږدو وعدو سړی له کاره وځي  هغه چې خپل کلی پرېږدي څه لېونی خو نه دی  ستا په پېغور باندې شرمېږي ستا لپاره وځي  جوړې لمبې مې د زړګي دننه پاتې نشي  خړ, خړ لوګي چې د بر کلي له چناره وځي   Mohib Thasawor   د ښکلي ورور محيب الله تصور) ( د فيسبوک واله سخه په منننه